शाळेच्या जुन्या वास्तूला भेट देत बालमित्रांनी घेतल्या आठवणींच्या गोड वाटा | पुढील स्नेहसंमेलन लासलगाव येथे होणार
DPT NEWS NETWORK 🗞️ 📹 🗞️ ✍️ 🚨 दर्शन पोलीस टाईम 🚨 प्रतिनिधी:- संदिप अहिरे
धुळे:- शासकीय विद्या निकेतन, धुळे येथील इयत्ता दहावी १९९१ बॅचच्या माजी विद्यार्थ्यांचे दोन दिवसीय स्नेहसंमेलन चांडक फार्म, धुळे येथे दिनांक ३१ मे व १ जून २०२५ रोजी उत्साहात पार पडले.
या स्नेहमेळाव्यात नाशिक राजस्व विभागातील एकूण २० माजी विद्यार्थी सहभागी झाले होते. अनेक वर्षांनी पुन्हा एकत्र येण्याचा आनंद सर्वांच्या चेहऱ्यावर दिसून येत होता. कार्यक्रमाचा विशेष भाग म्हणजे शाळेच्या जुन्या वास्तूला दिलेली भेट. महाराणा प्रताप चौकातील शाळेच्या परिसरात फेरफटका मारत सर्वांनी बालपणीच्या आठवणींना उजाळा दिला.
शाळेच्या संस्कारांची आठवण जागवताना नवप्रेरणा घेण्याचा संकल्प यावेळी सर्वांनी केला. पुढील स्नेहसंमेलन लासलगाव (जि. नाशिक) येथे आयोजित करण्याचे ठरवण्यात आले.
राष्ट्रगीत म्हणत सर्वांनी कार्यक्रमाचा समारोप केला व कार्यक्रमाच्या शेवटी सर्वांनी एकमेकांचा मनःपूर्वक निरोप घेतला आणि पुन्हा भेटीची आशा व्यक्त केली.
