DPT NEWS NETWORK 🗞️ ✍📹 ✍️ प्रतिनिधी – राजेंद्र पवार
मिरज : मिरज शहरात आज दुपारी झालेल्या दुर्घटनेत भिंत कोसळून एका बांधकाम कामगाराचा मृत्यू झाला असून सहा जण गंभीर जखमी झाले आहेत. या घटनेमुळे परिसरात मोठी खळबळ उडाली आहे.
मिळालेल्या माहितीनुसार, बांधकाम सुरू असताना अचानक भिंत कोसळली. ढिगाऱ्याखाली अनेक मजूर अडकले. स्थानिक नागरिकांनी तातडीने मदतकार्य सुरू करून जखमींना बाहेर काढले. पोलिस व नगरपालिकेच्या पथकांनी घटनास्थळी धाव घेत बचावकार्य केले.
जखमी मजुरांना तातडीने मिरज येथील शासकीय रुग्णालयात दाखल करण्यात आले आहे. मृत कामगाराचे नाव अद्याप समजू शकलेले नाही.
बांधकामस्थळी सुरक्षा साधनांचा अभाव असल्याने ही दुर्घटना झाल्याचा आरोप स्थानिकांनी केला आहे. सुरक्षितता नियमांकडे दुर्लक्ष झाल्याने कामगारांच्या जिवाशी खेळ केला जात असल्याची तीव्र नाराजी व्यक्त केली जात आहे.
पोलिसांकडून पुढील तपास सुरू आहे.
