🔥सांगली हादरली! मध्यरात्री गारपीरमध्ये दुहेरी खून — रक्तरंजित वैमनस्याचा शेवट

DPT NEWS ✍️🗞️📰🗞️✍️🚨दर्शन पोलीस टाईम🚨 प्रतिनिधी रमजान मुलाणी

सांगली:- दि. 12 नोव्हेंबर 2025, सांगली – गारपीर परिसरात मंगळवारी मध्यरात्री दुहेरी खुनाच्या घटनेने सांगली शहर अक्षरशः हादरून गेले! जुन्या वैमनस्यातून झालेल्या या थरारक हल्ल्यात दलित महासंघाचे कार्यकर्ते उत्तम मोहिते आणि शाहरुख शेख उर्फ शाब्या या दोघांचा जागीच मृत्यू झाला आहे.
मिळालेल्या माहितीनुसार, मध्यरात्रीच्या सुमारास शेख याने तलवारीसारख्या धारदार हत्याराने उत्तम मोहिते यांच्यावर भयानक हल्ला चढवला. मोहिते जागीच ठार झाले. या घटनेनंतर संतापलेल्या मोहिते यांच्या पुतण्याने प्रत्युत्तरात शेखवर जोरदार हल्ला केला — त्यात शेखचाही जागीच मृत्यू झाला.
पोलिस तपासानुसार, ही दुहेरी हत्या जुन्या वैरातून उफाळलेली रक्तरंजित लढत असली तरी, सुपारी किलिंगचा कोनही पोलिस तपासत आहेत. या हत्याकांडात किमान चार जणांचा सहभाग असल्याची माहिती समोर येत आहे.
घटनास्थळी सांगली शहर पोलीस दलाची फौज दाखल झाली असून, परिसरात भीती, संताप आणि प्रचंड तणावाचे वातावरण निर्माण झाले आहे.