DPT NEWS ✍️🗞️📰🗞️✍️🚨 दर्शन पोलीस टाईम🚨प्रतिनिधी राजेंद्र पवार
मिरज :- मिरज शहरात हनी ट्रॅपच्या नावाखाली तरुणाची निर्घृण लूट केल्याची संतापजनक घटना समोर आली आहे. सोशल मीडियावर ओळख वाढवून फ्लॅटवर बोलावून तरुणाला धमकावणे, मारहाण करणे आणि दागिने हिसकावणे असा या टोळीचा अघोरी प्रकार असून, पीडित तरुणाने तडफडत पोलीस ठाण्यात धाव घेत तक्रार नोंदविली आहे.
पीडिताने सांगितले की, नुसरत शेख हिच्यासह मोहसिनी शेख, समीर कच्छी आणि रशिद सय्यद या टोळीने आधी भावनिक नातं जोडत जाळ्यात ओढले. नंतर फ्लॅटवर एकटे बोलावून अचानक साथीदारांनी धडक देत, “आमच्या बहीणीसोबत काय करत आहेस?” अशी आरडाओरड सुरू केली.
यानंतर अर्धनग्न फोटो व्हायरल करण्याची धमकी, शिवीगाळ, दमदाटी आणि मारहाण करून पीडिताकडील सोन्याची चेन आणि अंगठी मिळून तब्बल 1 लाख 97 हजारांचा मुद्देमाल काढून घेण्यात आला.
या टोळीने अशाच पद्धतीने अनेकांना जाळ्यात अडकवून फसवणूक केल्याची चर्चा असून, हनी ट्रॅपचे सावट मिरजेत वाढत असल्याचे बोलले जात आहे.
मिरज शहर पोलिसांनी फिर्यादीच्या तक्रारीवरून गंभीर गुन्ह्याची नोंद घेतली असून, आरोपींचा शोध मोहीम जोरात सुरू आहे.
