प्रतिनिधी- प्रविण चव्हाण
नंदुरबार – नंदुरबार येथील जिल्हा परिषदेचे मुख्य कार्यकारी अधिकारी रघुनाथ गावडे यांची अमळनेर विधानसभा मतदार संघाचे मा.आ. शिरीष चौधरी यांच्यासह नंदुरबार आरपीआय आठवले पक्षाचे जिल्हाध्यक्ष सुभाष पानपाटील यांनी सदिच्छा भेट घेतली व नंदुरबार जिल्हा रिपब्लिकन पार्टी ऑफ इंडिया आठवले पक्षाच्या वतीने शबरी व रमाई घरकुल योजनेचे लाभार्थ्यांचे उद्दिष्ट वाढविण्या बाबत निवेदन दिले . या निवेदनात युवक जिल्हाध्यक्ष सुभाष पानपाटील यांनी म्हटले आहे की , यापूर्वी शबरी व रमाई घरकुल योजनेचे लाभासाठी जिल्ह्यातील आदिवासी , दलित बांधवांनी अर्ज सादर केलेले आहेत . परंतु आदिवासी व दलित समाजाच्या जिल्हानिहाय लोक संख्ये नुसार लाभार्थ्यांची संख्याअतिशय नगण्य आहे . त्यामुळे सदर योजनेचे उद्दिष्ट साध्य होताना दिसत नाही . तरी शबरी तथा रमाई घरकुल योजनेचे उद्दिष्ट किमान गाव निहाय दुप्पट करण्यात यावे अशी मागणी रिपब्लिकन पार्टी ऑफ इंडिया आठवले पक्षाच्यावतीने निवेदनाद्वारे करण्यात आली .
