बल्हाणे गावात लहान मुलांना ई- स्लेटचे वाटप – अॅड. चैतन्य भंडारी

धुळे : अॅड. चैतन्य भंडारी यांचे सायबर क्राईम विषयी लिखित पुस्तकाचे विक्री झालेल्या पैशांतुन गरजु विद्यार्थ्यांच्या शिक्षणासाठी ई-स्लेट व शालेय पुस्तकांचे वाटप केलेले आहे. ई-स्लेट ही एका प्रकारे एक डिजीटल पाटी आहे. ज्यावर विद्यार्थ्याने काहीही लिहील्यानंतर ते क्षणात बटण दाबताच पुसले जाते अशा प्रकारची ई-स्लेट अॅड. चैतन्य भंडारी यांनी त्यांचे वडील धुळयातील नामवंत कायदेतज्ञ अॅड. मोहन एस. भंडारी, यांच्या वाढदिवसाच्या निमित्ताने लहान व गरजु मुलांना ई-स्लेटचे वाटप केले आहे. अॅड. चैतन्य भंडारी यांचे म्हणणे आहे की, शहराप्रमाणेच ग्रामीण भागातील विद्यार्थीही डिजीटल शिक्षण घेवुन आपला व आपल्या परिवाराचा विकास करावा, व घरातील एक व्यक्ती शिक्षण घेवुन पुढे गेला तर पुर्ण परिवाराचा विकास होतो, या उद्देशाने अॅड. चैतन्य भंडारी यांनी बल्हाणे ता. जि. धुळे या गावात ई-स्लेटचे वाटप केलेले आहे व अॅड. चैतन्य भंडारी यांनी त्यांच्या वडीलांना वाढदिवसानिमित्त शुभेच्छा दिल्यात व यावेळी बल्हाणे गावातील अॅड. नाना टी. हालोर, चार्मिशजी भंडारी, नितीनजी चौधरी, ललितजी गुरव, बल्हाणे गावातील सरपंच आनंदा (पप्पु दादा) दिवान बागले , तसेच जिल्हा परिषद शाळेचे मुख्याध्यापक व इतर कर्मचारी व गावातील ग्रामस्थ यावेळी उपस्थित होते.