प्रतिनिधी
प्रविण चव्हाण
नंदुरबार -शहरातील धुळे रोड वरील कृषी महाविद्यालयासमोर अवैधरीत्या गुरे वाहून नेणारे पिकअप वाहन पोलिसांनी शुक्रवारी ताब्यात घेतले . याप्रकरणी दोघांवर कारवाई करण्यात आली आहे .
नंदुरबार शहरातून धुळ्याकडे जाणाऱ्या एमएच २० ईएल ७२७६ या पिकअप वाहनातून गुरांची अवैधरीत्या वाहतूक होत असल्याची माहिती पोलीस पथकाला मिळाली होती . यानुसार कृषी महाविद्यालया समोर पिकअप वाहन थांबवले होते . यावेळी झालेल्या तपासणीत गुरे दाटीवाटीने बांधण्यात आल्याचे दिसून आले होते .
वाहतूक करणाऱ्यांकडे वाहतूक परवाना किंवा फिटनेस प्रमाणपत्रही नसल्याचे समोर आले होते . यातून पोलिसांनी १ ९ हजार रुपयांची तीन गुर आणि ५ लाख रुपयांचे पिकअप वाहन असा ५ लाख १ ९ हजार रुपयांचा मुद्देमाल ताब्यात घेतला .
या प्रकरणी पोलीस नाईक स्वप्नील पगारे यांनी दिलेल्या फिर्यादी वरून पिकअप चालक शकील खान शरीफ खान पठाण , रा . अजिंठा , ता . सिल्लोड , जि औरंगबाद व शुभम संजय आव्हाड , रा दिग्रस , ता . सिल्लोड , जि . औरंगाबाद यांच्याविरोधात शहर पोलीस ठाण्यात गुन्हा दाखल आहे . तपास पोलीस नाईक अमोल जाधव करीत आहेत .
