प्रकाशा ते म्हसावद रस्त्यावर भिषण अपघात अज्ञात वाहनाने दिली धडक दोन जागीच ठार

DPT NEWS NETWORK ✍️.

प्रतिनिधी – राहुल आगळे

शहादा: प्रकाशा ते म्हसावद रस्त्यावर अज्ञात वाहनाने धडक दिल्याने कुढावद येथील दोन जण जागीच ठार झाल्याची घटना घडली आहे.
याबाबत अधिक माहिती अशी की दिनांक १ डिसेंबर आज दुपारी १२:३० वाजेच्या सुमारास काथर्दा पुनर्वसन शिवारात प्रकाशा म्हसावद रस्त्यावर मोटार सायकल वाहन क्र, एम एच ३९ क्यु ४०९८ ने जात असतांना वळण रस्त्यावर भरधाव वेगाने मोटारसायकलीला अज्ञात वाहनाने धडक दिल्याने अपघातात मयत अमृत जामा पवार,( वय ५५ )वर्ष व बुध्या जंगू ठाकरे,( वय वर्ष ६०) हे दोन्ही रा.कुढावद ता.शहादा यांना धडक दिल्याने ते जागीच ठार झाले.
त्यांना शवविच्छेदन करण्यासाठी म्हसावद रुग्णालयात दाखल करण्यात आले आहे.
शामा जामा पवार, यांच्या फिर्यादीवरून अज्ञात वाहनाच्या चालकाविरुद्ध गुन्हा दाखल करण्यात आला आहे.घटनेचा पुढील तपास प्रकाशा पोलीस करीत आहेत.