पारवे महाविद्यालयात मराठी भाषा दिन उत्साहात साजरा

DPT NEWS NETWORK 🗞️✍️ प्रतिनिधी – सुनिल मैदीले

भिवापूर :- प्रसिद्ध लेखक, कवी व कादंबरीकार विष्णू वामन शिरवाडकर म्हणजेच कुसुमाग्रज यांचा जन्मदिवस मराठी भाषादिन म्हणून स्थानिक पारवे महाविद्यालयात उत्साहात साजरा करण्यात आला.
कुसुमाग्रज यांच्या प्रतिमेस पुष्पहार अर्पण करुन कार्यक्रमाची सुरुवात करण्यात आली. मराठी विभाग प्रमुख डॉ. संगीता चव्हाण यांनी प्रस्ताविकातून कुसुमाग्रजांच्या जीवनावर प्रकाश टाकला. दैनंदिन जीवनात बोलतांना अधिकाधिक मराठी भाषेचा वापर करण्याचे आवाहन प्राचार्य डॉ. प्रवेश यादव यांनी यावेळी केले.
कार्यक्रमाचे संचालन विद्यार्थी राहुल कामडी याने तर आभार प्रदर्शन प्रा. निकिता वारकर यांनी केले. कार्यक्रमाला शिक्षक, कर्मचारी व विद्यार्थी उपस्थित होते.