नमस्कार. दर्शन पोलीस टाइमसाठी राज्य पातळीवर, जिल्हा पातळीवर, तालुका पातळीवर तसेच गाव तेथे प्रतिनिधी (वार्ताहर) नेमणे आहेत. संपर्क – संपादक- 75 8800 7576
Menu
ब्रेकिंग

शेअर करा:

चंदगड पोलिस निरीक्षक विश्वास पाटील यांच्या खातेनिहाय चौकशीचे आदेश.

सामाजिक कार्यकर्ते अँड संतोष मळवीकर यांना जामीन.

DPT NEWS NETWORK 🗞️ 📹 ✍️ 🚨 दर्शन पोलीस टाईम 🚨 प्रतिनिधी:- संदीप सकट

चंदगड:- जीवे मारण्याची धमकी देऊन शासकीय कामात अडथळा आणल्याप्रकरणी अटक करण्यात आलेल्या अॅड. संतोष मळवीकर यांची चंदगड येथील दिवाणी व फौजदारी न्यायालयाने आज जामीनावर मुक्तता केली. त्याचबरोबर चंदगडचे पोलीस निरीक्षक विश्वास पाटील यांची जिल्हा पोलीस प्रशासनाकडून चौकशी करण्याचे आदेश दिले असून मळवीकर यांना कोणत्याही प्रकारचा त्रास न देण्याच्या सूचना न्यायालयाने चंदगड पोलीस प्रशासनाला दिल्या आहेत.
गेल्या काही महिन्यांपासून चंदगड तालुक्यातील वाढत्या गुन्हेगारीवर, मटका, गुटखा, जुगार, मावा अन दारूविक्री हे अवैध धंदे पोलिसांच्या अभय व आशीर्वादाने सुरू असल्याबद्दल चंदगड वकील बार असोसिएशनचे अध्यक्ष व प्रसिद्ध सामाजिक कार्यकर्ते अॅड. संतोष मळवीकर यांनी चंदगड पोलीस प्रशासनाच्या विरोधात जनजागृती करून रान उठवले होते. तरीही पोलिस प्रशासनाकडून त्यांच्या मागणीला वाटाण्याच्या अक्षता लावून अवैध धंदे सुरूच ठेवले होते. त्यामुळे चार दिवसांपूर्वीच त्यांनी गडहिंग्लज येथील उपविभागीय पोलीस अधिकारी रामदास इंगवले यांना शिष्टमंडळाद्वारे तालुक्यातील अवैध धंद्याबाबत पुरावे देऊन
पोलीस निरीक्षक विश्वास पाटील यांच्यावर कारवाई करण्याची मागणी केली होती. यामुळे पोलीस प्रशासन संतोष मळवीकर यांच्यावर चिडून असल्याचे बोलले जात होते. सोमवारी नांदवडे येथील कुंदेकर या कार्यकर्त्याच्या कामासाठी मळवीकर पोलीस स्टेशनमध्ये गेल्यानंतर पोलीस निरीक्षक विश्वास पाटील व मळवीकर यांच्यात बाचाबाची झाली त्या अनुषंगाने सोमवारी दिवसभर मळवीकर यांना पोलीस स्टेशनमध्ये थांबवून ठेवण्यात आले होते. शेवटी उशिरा त्यांच्यावर जीवे मारण्याची धमकी, व शासकीय कामात अडथळा असा ठपका ठेवून त्यांना अटक केले होते. त्यामुळे चंदगड तालुक्यात सर्वत्र खळबळ उडाली होती, व पोलीस निरीक्षक यांच्या कार्यपद्धतीवर संताप व्यक्त होत होता. सर्वसामान्यांचे प्रश्न घेऊन लढणाऱ्या मळवीकर यांना पोलिसांनी अटक केल्याने द्वेष भावनेने कारवाई झाल्याची चंदगड तालुक्यातील जनमानसात उलट सुलट चर्चा व संतापाची प्रतिक्रिया होती. आज त्यांना न्यायालयासमोर हजर केले असता अॅड. मळवीकर यांना जामीन देण्यात आला तर पोलीस निरीक्षक विश्वास पाटील यांच्या कार्यपद्धतीची वरिष्ठ पोलीस खात्यांतर्गत चौकशी करण्याचे आदेश दिले असून मळवीकर यांना इथून पुढे कोणताही त्रास पोलिसांकडून होता कामा नये असा आदेशही न्यायालयाने दिला आहे. ज्या तत्परतेने चंदगड पोलिसांनी मळवीकर यांना अटक केली तीच कर्तव्य तत्परता तालुक्यातील अवैध धंद्यावर वचक ठेवण्यासाठी दाखवली असती तर न्यायालयाकडून फटकारण्याची वेळ आली नसती, अशी चर्चा संपूर्ण परिसरात सुरू झाली आहे. आता संतोष मळवीकर आंदोलनाबाबत कोणती भूमिका घेतात याकडे चंदगडसह गडहिंग्लज विभागाचे लक्ष लागून राहिले आहे.

शेअर करा:

Facebook
Twitter
Email
WhatsApp
Telegram
Print

दूसरी भाषा में पढ़े!

शेअर करा

आमच्यासोबत सोशल मीडिया वर जुडा

धुळे हवामान

loader-image
Dhule
4:56 pm, April 13, 2025
temperature icon 39°C
साफ आकाश
Humidity 11 %
Wind 29 Km/h
Wind Gust: 26 Km/h
Visibility: 10 km
Sunrise: 6:13 am
Sunset: 6:48 pm
Translate »
error: Content is protected !!