भावपूर्ण कवितांची मासिक काव्यमैफल उत्साहात संपन्न !

DPT NEWS NETWORK दर्शन पोलीस टाईम प्रतिनिधी:- मिलिंद इंगळे

अकोला:- मूर्तिजापूर येथे येथील सृजन साहित्य संघ मूर्तिजापूर व्दारा आयोजीत मासिक काव्यमैफल लोट्स इंटरनॅशनल स्कूल, हरियानगर मूर्तिजापूर येथे साहित्यीक मान्यवरांच्या भावपूर्ण कवितांनी उत्साहात संपन्न झाली. सर्वप्रथम या कार्यक्रमात ग्रामगीता पूजन करण्यात आले. सदर कार्यक्रमाचे अध्यक्ष म्हणून ज्येष्ठ साहित्यीक रामकृष्ण आसरे लाभले होते. अध्यक्ष व अतिथींचे पुष्पगुच्छ देऊन स्वागत करण्यात आले.

यानंतर काव्यमैफलीला सुरुवात करण्यात आली. कैलास सोळंके, विष्णु लोडम, रामकृष्णआसरे, कमलनारायण जयस्वाल, ज्ञानदेव भड, लक्ष्मण कुऱ्हेकर, सचिन तराळ, सुनिल
डोंगरदिवे, निलेश उंबरकर, सुरेशसिंग ठाकुर, उंबरकर काका,रवींद्र जवादे, तृप्ती उंबरकर, मीना जवादे यांनी आपल्या सुंदर रचना सादर केल्या.

उपस्थित कवी व रसिकांनी सदर मैफलीचा भरभरून आनंद घेतला. या कार्यक्रमाचे सुत्रसंचालन कैलास सोळंके व आभार प्रदर्शन रवींद्र जवादे यांनी केले.’हीच आमची प्रार्थना ‘ने मैफलीचा शेवट झाला.

समाजसेवक विष्णु लोडम यांना पुणे येथील संस्थेचा समाज सेवेसाठीचा पुरस्कार मिळाल्याबद्दल सत्कार करण्यात आला.

या कार्यक्रमास श्रोत्यांची उपस्थिती लाभली होती.सदर मैफलीच्या सहआयोजनामध्ये गझलदीप प्रतिष्ठान,कलाविष्कारबहु.संस्था,नेहरू युवा मंडळ,ज्ञाननर्मदा बहु.संस्था मूर्तिजापूर यांचे सहकार्य लाभले.