🚨DPT NEWS🚨दर्शन पोलीस टाईम 🚨
प्रतिनिधी साकिब सय्यद
धुळे स्थानिक गुन्हे शाखेने (LCB) शिंदेनगर भागात दिवसा झालेल्या घरफोडीचा तपास लावत एका आंतरराज्यीय टोळीचा पर्दाफाश केला आहे पोलिसांनी या प्रकरणी दोन आरोपींना अटक केली असून त्यांच्याकडून ₹५,६९,४५० किंमतीचे चोरीचे सोन्या-चांदीचे दागिने हस्तगत केले आहेत.
गत ७ ऑक्टोबर रोजी शिंदेनगर येथील शिव वसंत अपार्टमेंटमधील रहिवासी प्रणय खंडेलवाल यांच्या घरातून चोरट्यांनी लॉकर तोडून ₹४.१२ लाखांपेक्षा जास्त किमतीचे दागिने आणि रोकड लांबवली होती. याप्रकरणी चाळीसगाव रोड पोलीस ठाण्यात गुन्हा दाखल करण्यात आला होता.
तांत्रिक विश्लेषणाच्या आधारे स्थानिक गुन्हे शाखेच्या पथकाने इंदूर (मध्य प्रदेश) येथे छापा टाकून मुख्य आरोपी अकरम अब्दुल गफार अब्बासी (४५) याला ताब्यात घेतले [धुळे पोलीस बातमीपत्र]. चौकशी दरम्यान त्याने त्याचा फरार भाऊ जावेद अब्बासी याच्यासोबत मिळून ही चोरी केल्याची कबुली दिली . तसेच चोरीचा माल विकत घेणारा देवास येथील सराफ शेख बासेद शेख सबुर (५१) यालाही पोलिसांनी अटक केली आहे . आरोपींकडून ६.०६ ग्रॅम सोन्याचे टोंगल, २५ ग्रॅम सोन्याची लगड आणि १३०० ग्रॅम चांदीची लगड जप्त करण्यात आली आहे.
ही कारवाई जिल्हा पोलीस अधीक्षक विशाल आनंद सिंगुरी आणि अप्पर पोलीस अधीक्षक अजय देवरे यांच्या मार्गदर्शनाखाली स्थानिक गुन्हे शाखेचे पोलीस निरीक्षक ज्ञानेश्वर वारे व त्यांच्या पथकाने केली .
