🚨DPT NEWS🚨दर्शन पोलीस टाईम🚨
प्रतिनिधी फहीम शहा
धुळे: धुळे शहर पोलिसांनी धडक कारवाई करत दरोडा आणि घरफोडीच्या दोन वेगवेगळ्या गंभीर गुन्ह्यांची अवघ्या काही तासांत उकल केली आहे. मारहाण करून पैसे लुटणाऱ्या ५ जणांच्या दरोडेखोर टोळीला अवघ्या २ तासांत, तर घरफोडी करणाऱ्या दोघांना २४ तासांच्या आत निष्पन्न करून पोलिसांनी एकूण १ लाख ८१ हजार ५०० रुपयांचा मुद्देमाल हस्तगत केला आहे.
पहिली कारवाई: २ तासांत दरोडेखोर टोळी जेरबंद
घटना: २७ जुलै २०२६ रोजी रात्री साडेनऊच्या सुमारास रामनगर भागातील एका घरात घुसून प्रसाद सरदार या तरुणाला काठी, बेल्ट आणि लाथाबुक्यांनी जबर मारहाण करत खिशातील १० हजार रुपये लुटण्यात आले होते. याप्रकरणी धुळे शहर पोलीस ठाण्यात दरोड्याचा गुन्हा दाखल करण्यात आला होता.
पोलीस कारवाई:
गुन्हा दाखल होताच पोलीस निरीक्षक हेमंतकुमार भामरे यांच्या मार्गदर्शनाखाली पथकाने तपासाची चक्रे वेगाने फिरवली. अवघ्या २ तासांत पोलिसांनी शनी साहेबराव सोनवणे (वय १८, रा. शनीनगर, धुळे), मोहित महेंद्र ठाकूर (वय २१, रा. उत्कर्ष कॉलनी, धुळे) आणि ३ विधिसंघर्षग्रस्त बालकांना (नाबलिक) ताब्यात घेतले.
हस्तगत मुद्देमाल: ७५ हजार रुपये किमतीची ॲक्सेस दुचाकी, ६० हजारांचे ४ मोबाईल आणि ६ हजार ५०० रुपयांची रोख रक्कम असा एकूण १ लाख ४१ हजार ५०० रुपयांचा मुद्देमाल जप्त करण्यात आला.
दुसरी कारवाई: २४ तासांत घरफोडीचा उलगडा
घटना: २८ जुलै २०२६ रोजी नूतन कृषीनगर येथील रत्नाबाई हालोरे या महिला नातेवाईकांकडे गेल्या असता, चोरट्यांनी त्यांच्या घराच्या मागील दरवाजाची जाळी तोडून सोन्याचे दागिने, भांडी आणि सायकल लांबवली होती.
पोलीस कारवाई:
या गुन्ह्याचा तपास करताना पोलिसांनी साक्री रोडवरील शनी नगरातून २ विधिसंघर्षग्रस्त बालकांना पालकांसमक्ष ताब्यात घेऊन चौकशी केली असता त्यांनी गुन्ह्याची कबुली दिली.
हस्तगत मुद्देमाल: २० हजारांचे सोन्याचे कानातील, १५ हजारांचे सोन्याचे तुकडे, तांबे-पितळाची भांडी आणि सायकल असा ४० हजार रुपयांचा सर्व ऐवज पोलिसांनी हस्तगत केला.
तपास पथक व मार्गदर्शन:
ही कारवाई पोलीस अधीक्षक विशाल आनंद, अपर पोलीस अधीक्षक अजय देवरे व उपविभागीय पोलीस अधिकारी राजकुमार उपासे यांच्या मार्गदर्शनाखाली धुळे शहर पोलीस ठाण्याचे पोलीस निरीक्षक हेमंतकुमार भामरे, सहाय्यक पोलीस निरीक्षक योगेश घोंगडे आणि गुन्हे शोध पथकातील अंमलदारांनी यशस्वीरीत्या पार पाडली.
