DPT NEWS NETWORK🚨 दर्शन पोलीस टाईम🚨प्रतिनिधी – सचिन कोळी
कोल्हापूर जिल्ह्यामधील शिरोळ तालुक्यातील जैनापूर ग्रामपंचायतीतील सरपंच व त्यांच्या मुलाविरोधात लाच मागणीप्रकरणी गुन्हा दाखल करण्यात आला आहे.
मिळालेल्या माहितीनुसार, तक्रारदार यांनी त्यांच्या पत्नींच्या नावे “ग्रीन गेट” या नावाने शेडनेट व्यवसाय सुरू करण्यासाठी ग्रामपंचायत जैनापूर येथे परवानगीसाठी अर्ज केला होता. या अर्जाच्या अनुषंगाने चौकशी करण्यासाठी तक्रारदार यांनी सरपंच संगिता रमेश कांबळे यांची भेट घेतली सरपंच यांनी काम करून देण्यासाठी १०,००० रुपयांची लाच मागितल्याने तक्रारदार यांनी अँटी करप्शन ब्युरो, कोल्हापूर येथे तक्रार दाखल केली. लाचलुचपत प्रतिबंधक विभागाचे अधिकारी यांनी तक्रारीची पडताळणी करताना सरपंच संगिता कांबळे व त्यांचा मुलगा निकेत कांबळे यांनी १०,००० रुपयांची मागणी करून तडजोडीनंतर ९,००० रुपयांवर लाच निश्चित केल्याचे निष्पन्न झाले.यानंतर लाचलुचपत प्रतिबंधक विभागाने सापळा कारवाईचे आयोजन केले. सापळा कारवाईदरम्यान सरपंच व त्यांच्या मुलाने तक्रारदार यांचे काम पूर्ण झाले नसल्याचे कारण देत लाचेची रक्कम
स्वीकारण्यास नकार दिला.काम पूर्ण झाल्यानंतरच पैसे घेऊ असे त्यांनी सांगितले.या सर्व प्रकारावरून सरपंच संगिता रमेश कांबळे (वय ५२) व त्यांचा मुलगा निकेत रमेश कांबळे (वय ३०) यांच्याविरुद्ध जयसिंगपूर पोलीस ठाण्यात गुन्हा दाखल करण्यात आला आहे.
