🚨DPT NEWS🚨दर्शन पोलीस टाईम🚨
प्रतिनिधी मनोहर गोरगल्ले
शिरूर (पुणे) : शुक्रवारची सकाळ उजाडत असतानाच शिरूर शहरातून धक्कादायक घटना समोर आली. लाटेआळी येथील आंबेडकर नगर परिसरात सकाळी सुमारे साडेसहा वाजता एका तरुणावर अज्ञात हल्लेखोरांनी गोळीबार केला. या हल्ल्यात गंभीर जखमी झालेल्या तरुणाचा घटनास्थळीच मृत्यू झाल्याची प्राथमिक माहिती आहे.
पहाटेच्या शांततेत अचानक झालेल्या गोळीबारामुळे परिसरात एकच खळबळ उडाली. घटनेची माहिती मिळताच पोलीस घटनास्थळी दाखल झाले असून परिसराची पाहणी करत तपास सुरू करण्यात आला आहे.
हल्लेखोर कोण होते? तरुणावर गोळीबार करण्यामागचे नेमके कारण काय? हा पूर्ववैमनस्यातून झालेला हल्ला होता की त्यामागे दुसरे कारण आहे? या बाबींचा उलगडा पोलीस तपासातून होणे अपेक्षित आहे.
भरवस्तीत आणि सकाळच्या वेळेत घडलेल्या या घटनेमुळे शिरूर शहरातील कायदा-सुव्यवस्थेचा प्रश्न पुन्हा चर्चेत आला आहे. आरोपींचा शोध आणि हत्येमागील कारण स्पष्ट करण्याचे आव्हान आता पोलिसांसमोर आहे.
