DPT NEWS NETWORK🚨दर्शन पोलीस टाईम 🚨प्रतिनिधी-राजेंद्र पवार
मिरज:- मिरज तालुक्यातील पायापाचीवाडी येथे 17 वर्षीय अल्पवयीन मुलीचा बालविवाह लावून दिल्याप्रकरणी मिरज ग्रामीण पोलिसांनी पाच जणांविरुद्ध गुन्हा दाखल केला आहे. या घटनेमुळे परिसरात खळबळ उडाली असून पोलिसांनी पुढील तपास सुरू केला आहे.
मिळालेल्या माहितीनुसार, संबंधित मुलगी अल्पवयीन असतानाच तिचा विवाह पायापाचीवाडी येथे लावून देण्यात आला होता. या प्रकरणाची माहिती मिळाल्यानंतर ग्रामपंचायत अधिकारी वैशाली ब्रह्मानंद गाडे यांनी तक्रार दाखल केली.
तक्रारीनुसार पती धनंजय जगन्नाथ कोचटी, जगन्नाथ लक्ष्मण कोचटी, संगीता जगन्नाथ कोचटी (सर्व रा. पायापाचीवाडी, ता. मिरज) तसेच सुरेश बसाप्पा अजुरे व गौरी सुरेश अजुरे (दोघे रा. तारदाळ समर्थनगर, ता. हातकणंगले, जि. कोल्हापूर) यांच्याविरुद्ध बालविवाह प्रतिबंधक कायद्यान्वये गुन्हा दाखल करण्यात आला आहे.
या प्रकरणाचा पुढील तपास मिरज ग्रामीण पोलीस करत असून संबंधितांवर कायदेशीर कारवाईची प्रक्रिया सुरू आहे.
