DPT NEWS NETWORK 🚨 दर्शन पोलीस टाईम 🚨 प्रतिनिधी निवास गागडे
इचलकरंजी : स्वातंत्र्यसैनिक साथी वासू देशपांडे जन्मशताब्दी अभियान २०२६ अंतर्गत संविधान परिवारातर्फे गरजू व एकल विद्यार्थ्यांना शालेय साहित्याचे वितरण करण्यात आले. या उपक्रमातून विद्यार्थ्यांना शालेय दप्तरांसह आवश्यक साहित्याचे वाटप करण्यात आले.
कार्यक्रमाच्या अध्यक्षस्थानी दि न्यू हायस्कूल व ज्युनिअर कॉलेज, इचलकरंजीच्या पर्यवेक्षिका सौ. आर. एस. पाटील या होत्या. कार्यक्रमाचे प्रमुख पाहुणे संविधान परिवाराचे साथी संजय रेंदाळकर व साथी दादासो तराळ यांच्या हस्ते विद्यार्थ्यांना शालेय साहित्याचे वितरण करण्यात आले.
यावेळी विद्यार्थ्यांना शिक्षणासाठी आवश्यक साहित्य उपलब्ध करून देणे ही समाजाची सामूहिक जबाबदारी असून, अशा उपक्रमांमुळे गरजू विद्यार्थ्यांना शिक्षणाची प्रेरणा व बळ मिळते, असे प्रतिपादन मान्यवरांनी केले.
या प्रसंगी श्री. पी. एस. कोळेकर, श्री. एम. जी. आंबेकर, सौ. व्ही. टी. खेडकर, सौ. एन. सी. नांद्रे यांच्यासह विद्यालयातील शिक्षक, शिक्षकेतर कर्मचारी व मोठ्या संख्येने विद्यार्थी उपस्थित होते. कार्यक्रम यशस्वी करण्यासाठी संविधान परिवाराच्या कार्यकर्त्यांनी विशेष परिश्रम घेतले.
