चाकूने पोटावर वार करीत जिवेठार मारण्याचा प्रयत्न

प्रतिनिधी – प्रविण चव्हाण

नंदुरबार -:शहादा शहरातील क्रांती चौकात बांधकामाचे साहित्य न उचलल्याचा राग आल्याने पोटावर चाकूने वार करीत जिवेठार मारण्याचा प्रयत्न केल्याप्रकरणी एकाविरोधात गुन्हा दाखल करण्यात आला आहे .
या बाबत पोलिस सूत्रांनी दिलेल्या माहितीनूसार , शहादा शहरातील क्रांती चौक येथील सुनिल भाईदास चौधरी यांनी बांधकामाचे साहित्य उचलले नाही . याचा राग आल्याने सुनिल चौधरी यांच्या डोळ्यात दिनेश चतुर भावसार याने मिरची पूड फेकली .
तसेच चाकूने पोटावर वार करुन त्यांना जिवेठार मारण्याचा प्रयत्न केला .
या बाबत शितल सुनिल चौधरी यांच्या फिर्यादी वरुन शहादा पोलिस ठाण्यात दिनेश भावसार याच्याविरोधात भादंवि कलम ३०७ , ५०४ , ५०६ प्रमाणे गुन्हा दाखल करण्यात आला आहे .
पुढील तपास सहाय्यक पोलिस निरीक्षक संदिप आरक करीत आहेत .