🔥 मालेगावात गोळीबार प्रकरणात सराईत गुन्हेगार जेरबंद!

👉 दोन देशी पिस्तुलं व आठ जिवंत काडतुसे हस्तगत — नाशिक ग्रामीण पोलिसांची सणसणीत कारवाई 🚔

DPT NEWS ✍️🗞️📰🗞️✍️🚨 दर्शन पोलीस टाईम🚨 प्रतिनिधी – योगेश गवळे

मालेगाव :– मालेगाव शहरा

त दोन हातात पिस्तुलं घेऊन उधळण करणारा आणि फिर्यादीवर जीवघेणा हल्ला करणारा सराईत गुन्हेगार मेहताब अली शौकत अली अखेर पोलिसांच्या जाळ्यात अडकला आहे. नाशिक ग्रामीण पोलिसांच्या धडाकेबाज कारवाईत अवघ्या दोन तासांत आरोपीला शिताफीने पकडून त्याच्याकडून दोन देशी बनावटीची पिस्तुलं आणि आठ जिवंत काडतुसे जप्त करण्यात आली आहेत.
💥 “गोळीबार, मारहाण आणि घरफोडी” — गल्लीत दहशत निर्माण
आयशानगर पोलीस ठाण्यात दाखल तक्रारीनुसार, आरोपी मेहताब अली याने आपल्या १० ते १२ साथीदारांसह मिळून फिर्यादीवर हल्ला केला. आरोपीने दोन्ही हातात पिस्तुलं घेऊन दोन गोळ्या झाडल्या, तर त्याचे साथीदार तलवारी व लाथाबुक्क्यांनी मारहाण करत फिर्यादीला दमदाटी केली. इतकेच नव्हे, तर त्यांनी घरात घुसून तोडफोड करून ₹५०,००० रोख व मोबाईल लंपास केला.
या प्रकरणी गु.र. क्र. ८४/२०२५ भा.न्या.सं. कलम १०९(२), ३३३, ३२४(४), ११५(२), ३५१(२), १८९(२), १९० तसेच भारतीय हत्यार कायदा कलम ३/२५, ४/२५ प्रमाणे गुन्हा नोंदवण्यात आला आहे.
🚓 “दोन तासांत” पोलिसांनी पकडला ‘फायरिंगबाज’
घटनेचे गांभीर्य लक्षात घेऊन नाशिक ग्रामीण जिल्हा पोलीस अधीक्षक श्री. बाळासाहेब पाटील, अपर पोलीस अधीक्षक मालेगाव श्री. तेगबीरसिंग संधू, आणि सहायक पोलीस अधीक्षक मालेगाव शहर विभाग श्री. सिद्धार्थ बरवाल यांच्या मार्गदर्शनाखाली दोन विशेष पथके तातडीने रवाना करण्यात आली.
सदर आरोपी शहराबाहेर पळून जाण्याच्या तयारीत असतानाच, पोलिसांनी पाठलाग करून शिताफीने ताब्यात घेतले.
🧨 सराईत गुन्हेगाराचा गुन्हेगिरीचा इतिहास उघड
मेहताब अली हा कुख्यात गुन्हेगार असून, त्याच्यावर आयशानगर, आझादनगर व छावणी पोलीस ठाण्यांत खून, खुनाचा प्रयत्न, दंगा, जबरी चोरी, दुखापत अशा गंभीर स्वरूपाचे तब्बल १० गुन्हे दाखल आहेत. त्याच्या इतर साथीदारांचा शोध सुरू असून, तपास सुरू आहे.
👮‍♂️ या पोलिसांनी दाखवला शौर्याचा परिचय
ही कारवाई मालेगाव अपर पोलीस अधीक्षक यांच्या विशेष पथकाने केली असून,
त्यात पोउनि पाराजी वाघमोडे, पोलीस अंमलदार सचिन बेदाडे, दिशेन शेरावते, राकेश जाधव, अक्षय चौधरी, राम निसाळ, राकेश उबाळे, निलेश निकम, तसेच तांत्रिक विभागाचे पोहवा हेमंत गिलबिले व प्रदीप बहिरम यांनी मोलाची भूमिका बजावली.
🔹 नाशिक ग्रामीण पोलिसांची ही वेळेवर केलेली कारवाई मालेगावातील गुन्हेगारी प्रवृत्तींसाठी स्पष्ट इशारा ठरली आहे.