धुळे – सायबर अॅवरनेस फौंडेशनचे अध्यक्ष व महाराष्ट्रातील सुप्रसिध्द व ख्यातनाम सायबर तज्ञ अॅड. चैतन्य एम. भंडारी यांनी जगभरात सायबर ॲवरनेस फौंडेशनच्या माध्यमातून गेल्या ब-याच वर्षांपासून सायबर क्राईम व सायबर जनजागृतीविषयी जनतेत, विद्यार्थ्यामध्ये, तसेच शासकीय व निमशासकीय कार्यालयांमध्ये जनजागृती केलेली आहे. यासंबंधी त्यांनी लाखोहून अधिक सेमीनार, वर्कशॉपचेही आयोजन केले आहे व कोवीड – १९ च्या काळात सायबर गुन्हयाबाबत त्यांनी सर्वसामान्य जनता, पोलिस खात्यातील पोलीस अधिकारी व कर्मचारी यांना त्याबाबत सावध करण्याचे कार्य केलेले आहे तसेच त्यांनी वेळोवेळी माहिती तंत्रज्ञान कायद्याविषयी मार्गदर्शन केलेले आहे.
त्यांच्या या कार्याची दखल घेत गुवाहाटी (आसाम) येथील इंडियन आवाज फौंडेशन व त्यांच्या अधिका-यांच्या निर्णयानुसार जगभरातून ५ हजार पेक्षा जास्त अर्ज आलेले होते त्यापैकी त्यांनी हा पुरस्कार धुळयातील अॅड. चैतन्य एम. भंडारी यांच्या सायबर अवरनेस फौंडेशन या संस्थेला “बिझनेस अॅवार्ड – २०२२” दिला आहे.
हा पुरस्कार त्यांना ‘आजादी का अमृत महोत्सव’ निमित्त १५ ऑगस्ट २०२२ रोजी खानपारा, गुवाहाटी (आसाम) येथे इंडियन आवाज फौंडेशनचे अध्यक्ष डॉ. अरुणभा भट्टाचारजी व मोहंमद नजिम अहमद यांच्या हस्ते दिला जाणार आहे. हा पुरस्कार मिळाल्याबद्दल अॅड. चैतन्य एम. भंडारी यांचे सर्व स्तरातून अभिनंदन होत आहे.
Menu
ब्रेकिंग
