प्रतिनिधी
प्रविण चव्हाण
नंदुरबार -नवापूर तालुक्यातील जामतलाव येथे वनविभागाचे पथक गस्ती घालत असताना रस्त्याच्या बाजूला नाल्यात अवैधरित्या साठवून ठेवलेले घडतळ केलेले लाकूड आढळून आल्याने सुमारे दीड लाख रुपये किंमतीचे लाकूड जप्त करण्यात आले आहे . याबाबत अधिक माहिती अशी की , सहाय्यक वनसंरक्षक यांना मिळालेल्या गुप्त माहितीवरून जामतलाव येथे अवैधरित्या लाकूड साठवून ठेवले असल्याची माहिती मिळाली . त्यानुसार वनक्षेत्रपाल नवापूर प्रादेशिक व चिंचपाडा प्रादेशिक वनक्षेत्र स्टाफ नवापूर प्रादेशिक व चिंचपाडा प्रादेशिक यांचेसह जामतलाव गावात जाऊन जामतलाव गावातील नाल्यात व रस्त्याच्या बाजूला पायी फिरून पाहणी केली असता नाल्यात गवताखाली खैर प्रजातीची लाकडेकुऱ्हाडीने घडतळ केलेले खैराचे ८१ नग मिळून आले . सदर मालाची बाजार भावानुसार किंमत सुमारे दीड लाख रुपये आहे . सदरच्या कारवाईत सहाय्यक वनसंरक्षक प्रादेशिक व वन्यजीव नंदुरबार व धनंजय पवार व श्रीमती स्नेहल अवसरमल , वनक्षेत्रपाल नवापूर प्रादेशिक शिवाजी रत्नपारखे , वनक्षेत्रपाल चिंचपाडा प्रादेशिक भिवाजी दराडे , वनपाल ए . एम . शेख , वनपाल बोरझर पी . एस . पाटील , वनपाल सुनिता पाटील , वनपाल वडकळंबी , वनरक्षक कल्पेश अहिरे , कमलेश वसावे , संतोष गायकवाड , विकास शिंदे , दीपक पाटील , अशोक पावरा , लक्ष्मण पवार , गिरीश वळवी , पिंकी बडगुजर , भाग्यश्री पावरा , दिपाली पाटील , अनिल वळवी , अमोल गावित , तुषार नांद्रे , रामदास पावरा , संजय बडगुजर , मनीषाजाधव , पी.टी. खैरनार , देवमन सूर्यवंशी , कविता गावित , वाहन चालक लालु पवार , दिलीप गुरव , वनमजूर छगन सोनवणे , बाळा गावित आदींच्या पथकाने केली आहे .
